ბრაზილიელმა ფრედმა, რომელიც სამხრეთ ამერიკელთა შემადგენლობაში 2014 წლის მუნდიალზე თამაშობდა, არგენტინისა და ბრაზილიის შესაძლო დაპირისპირებაზე ისაუბრა, რაც მსოფლიოს ჩემპიონატის 1/2 ფინალშია მოსალოდნელი:
"დიდი სურვილი მაქვს, რომ მუნდიალის 1/2 ფინალში ბრაზილიისა და არგენტინის დაპირისპირება ვიხილო, სადაც ყველაფერთან ერთად, არეულობას, დაძაბულობას, ნეიმარის საოცარ თამაშსა და ლიონელ მესის ცრემლებს ვნახავთ." - თქვა ფრედმა.
ცნობისთვის, ფრედის პროგნოზი სამხრეთ ამერიკული 1/2 ფინალის შესახებ იმ შემთხვევაში გამართლდება, თუ არგენტინა და ბრაზილია თავიანთ 1/4 ფინალურ შეხვედრებს მოიგებენ და მომდევნო ეტაპზე გავლენ.