განახლებული რეიტინგი ცნობილია - რომელ ადგილზეა ქართველი ძიუდოისტები » SPORTLINE.GE - სპორტის ხაზი

განახლებული რეიტინგი ცნობილია - რომელ ადგილზეა ქართველი ძიუდოისტები

განახლებული რეიტინგი ცნობილია - რომელ ადგილზეა ქართველი ძიუდოისტები
7-08-2021, 17:48
Aa Aa
გაზიარება:

ტოკიოს ოლიმპიური თამაშების დასრულებისთანავე, ძიუდოს საერთაშორისო ფედერაციამ განახლებული რეიტინგი გამოაქვეყნა.

კაცებს შორის საერთო რეიტინგში 9611 ქულით ნიკოლოზ შერაზადიშვილი (ესპანეთი) ლიდერობს, მეორე ადგილზე მატიას კასე (9574 ქულა), მესამეზე კი მოქმედი ოლიმპიური ჩემპიონი - ლუკაშ კრაპელი (8521 ქულა).

ქართველი ძიუდოისტებიდან ათეულში მხოლოდ ვარლამ ლიპარტელიანი (8228 ქულა) და ლაშა ბექაური (7730 ქულა) მოხვდნენ.

-60 კგ. წონითი კატეგორია:

ამ კატეგორიას ორი იაპონელი - ნაოჰისა ტაკატო და რიჯუ ნაგაიამა ლიდერობენ. ლუხუმ ჩხვიმიანი 1 პოზიციით დაწინაურდა და მეცხრე ადგილს იკავებს. მე-18 პოზიციაზეა თემურ ნოზაძე, 27-ეზეა ამირან პაინაშვილი, 54-ე კი ჯაბა პაპინაშვილი.

-66 კგ. წონითი კატეგორია:

აქაც იაპონელი ჰიფუმი აბე ლიდერობს. მეორეზე იტალიელი მანუელ ლომბარდოა, მესამეზე კი - ვაჟა მარგველაშვილი, რომელიც რეიტინგში ერთი პოზიციით დაწინაურდა. რაც შეეხება მეორე ქართველს, ბაგრატ ნინიაშვილი ამ ეტაპისთვის 29-ე პოზიციაზე იმყოფება.

-73 კგ. წონითი კატეგორია:

აღნიშნულ კატეგორიაში ლაშა შავდათუაშვილმა მეორე ადგილზე გადაინაცვლა და პირველ ადგილოსან ჰაშიმოტოს 1 000 ქულით ჩამორჩება. რაც შეეხება შოჰეი ონოს, მოქმედი ოლიმპიური ჩემპიონი 8 ადგილით დაწინაურდა და ამჟამად მე-5 პოზიციაზე გადავიდა.

-81 კგ. წონითი კატეგორია:

ტატო გრიგალაშვილს პოზიცია არ შეუცვლია და კვლავ მესამე პოზიციაზე იმყოფება. ტოპ ოცეულში კიდევ ერთი ქართველი - ლუკა მაისურაძე მოხვდა, რომელიც კვლავ მე-17 პოზიციაზე იმყოფება.

-90 კგ. წონითი კატეგორია:

მას შემდეგ, რაც ბექაურმა ოლიმპიადა მოიგო, რეიტინგში ორი პოზიციით დაწინაურდა და რეიტინგში მეორე ადგილზე გადაინაცვლა. რეიტინგს, როგორც ზემოთ ავღნიშნეთ ნიკოლოზ შერაზადიშვილი ლიდერობს (ესპანეთი). ამ კატეგორიაში მე-10 ადგილზე ჩამოქვეითდა ბექა ღვინიაშვილი, რომელიც აქამდე მე-8 ადგილს იკავებდა.

-100 კგ. წონითი კატეგორია:

100 კილოგრამიან წონით კატეგორიას კვლავ ქართველი ძიუდოისტი - ვარლამ ლიპარტელიანი ლიდერობს. ამ წონაშივეა ილია სულამანიძე (მე-20 ადგილი) და ონისე სანებლიძე (44-ე ადგილი).

+100 კგ. წონითი კატეგორია:

მძიმე წონაში პირველ-მეორე ადგილებს ოლიმპიადის ფინალისტები - ლუკაშ კრპალეკი (8521 ქულა) და გურამ თუთიშვილი (7414 ქულა) ინაწილებენ. მე-11 ადგილზეა გელა ზაალიშვილი, 24-ეა ლევან მატიაშვილი.

კომენტარის დამატება
კოდის განახლება
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.


დღის ხაზი