რამდენიმე დღის წინ, მსოფლიოს 2022 წლის ჩემპიონატის G ჯგუფის შეხვედრა ბრაზილიისა და შვეიცარიის ნაკრებებს შორის გაიმართა, რომელიც სამხრეთ ამერიკელებმა 1:0 კაზემიროს ბრწყინვალე დარტყმით მოიგეს და 1/8 ფინალში კვალიფიცირდნენ.
სწორედ ამ თამაშის მსვლელობისას, ინტერნეტში საკმაოდ საინტერესო და სახალისო ვიდეო გავრცელდა. საქმე ისაა, რომ ერთ-ერთი გულშემატკივარი, რომელმაც ნეიმარის იმიჯი მოირგო მოედანზე თავად მატჩისთვის მობილიზებულმა დაცვამ შეიყვანა. მათ ვერ გააანალიზეს, რომ საქმე უბრალოდ რიგით ქომაგთან ჰქონდათ - იხილეთ ვიდეო.
გარდა ამისა, ნეიმარის იმიჯმორგებულ გულშემატკივართან ფოტო არაერთმა სხვა ქომაგმა გადაიღო. როგორც ჩანს, ბრაზილიელი ფეხბურთელის კლონმა ყველა მოტყუებული დატოვა.
ცნობისთვის, ბრაზილიის ნაკრები ჯგუფური ეტაპის ბოლო შეხვედრას კამერუნის წინააღმდეგ 2 დეკემბერს, 23:00 საათზე გამართავს.