დუდა სანაძის 17 ქულა თურქულ ბურსასფორთან მატჩში

დუდა სანაძის ანორთპსისმა ფიბა ევროპის თასზე ბოლოსწინა მატჩი გამართა. ჯგუფური ეტაპის მე-5 ტურში ანორთოსისმა ლარნაკაში თურქულ ბურსასფორს უმასპინძლა და 66:81 დამარცხდა. ქართველი ლეგიონერი კვიპროსული გუნდის ბომბარდირი გახდა, მაგრამ მთლიანობაში მასპინძლებმა თავი ვერ გაართვეს დაკისრებულ მოვალეობას და ფავორიტად შერაცხულ მეტოქესთან უშანსოდ დამარცხდნენ.

დუდა სასტარტო ხუთეულში იყო და მოედანზე 31:45 წუთი გაატარა. საქართველოს ნაკრების წევრმა 8-დან 3 ორქულიანი, 8-დან 2 სამიანი და 7-დან 5 საჯარიმო ჩააგდო. მის ანგარიშზე მთლიანობაში 17 ქულა, 2 მოხსნა და 1 პასი დაგროვდა. დუდამ ბურთი ერთხელ დაკარგა და ამდენჯერვე დაჯარიმდა.

ქულებით ქართველს ჩამორჩა, მაგრამ სარგებლიანობის ინდექსით ფამაგუსტელთა შორის საუკეთესო იყო კენტვან სმიტი, რომელმაც 24 ქულა, 12 მოხსნა და 3 ჩაჭრა მიითვალა. ბურსასფორელებს ჯოშუა შარმა ულიდერა – 18 ქულა, 13 მოხსნა.

5 მატჩიდან მოგება არ აქვს და ბოლო ადგილზეა ანორთოსისი, რომელიც ჯგუფის და მთლიანად ტურნირის ბლო მატჩს 13 ნოემბერს, შინ, ესპანურ სარაგოსასთან გამართავს.

gbf.ge