გუშინ, ინგლისის ჩემპიონატში ტურნირის ლიდერმა მორიგი მატჩი გამართა და 3 ქულა კვლავ მოიპოვა. ამჯერად, "არსენალის" მსხვერპლი "ლიდსი" აღმოჩნდა, რომლის დამარცხებაც "მეთოფეებმა" მინიმალური სხვაობით შეძლეს, 0:1. შეხვედრის ერთადერთი გოლი ბუკაიო საკამ მატჩის 35-ე წუთზე გაიტანა.
სწორედ ინგლისელის გოლის დროს, "არსენალის" მეკარე აარონ რამსდეილი კარის უკან მყოფ "ლიდსის" ფანებს შეუტრიალდა და მათი პროვოცირება დაიწყო (იხილეთ ვიდეო).
შეგახსენებთ, რომ "პრემიერ ლიგის" ლიდერი სწორედ მიკელ არტეტას გუნდია, რომელსაც 27 ქულა აქვს და უახლოეს მდევარ "მანჩესტერ სიტის" 4 ქულით უსწრებს.