12 სექტემბერს ოსლოში ნორვეგიის ეროვნული ნაკრები საქართველოს უმასპინძლებს. ესპანეთთან სამარცხვინო მატჩის შემდეგ, ქართველებს რეპუტაციის აღდგენის საშუალება ნორვეგიაში ექნებათ.
ნორვეგიელთა ერთ-ერთი ლიდერი, იულიან რიერსონმა საქართველოსთან მოახლოებულ მატჩზე ისაუბრა და ხვიჩა კვარაცხელიასაც შეეხო:
"ტრავმის მოშუშების პროცესი კარგად მიდის, თამაშამდე კიდევ 2 დღეა და იმედი მაქვს, 100%-ით ვიქნები მზად.
ესპანელებთან მარცხის მიუხედავად, საქართველო ძლიერ გუნდად რჩება. თუ ვითამაშებ, ხვიჩა კვარაცხელიას შეჩერება მომიწევს, რომელიც ძლიერი ფეხბურთელია. მისი მეტსახელი კვარადონაც ამას მოწმობს - ტყუილად არ შეარქმევდნენ. მისი ინდივიდუალიზმის გასაჩერებლად გუნდურობაა საჭირო", - განაცხადა ნორვეგიელმა ფეხბურთელმა.
მატჩი 12 სექტემბერს, თბილისის დროით 22:45 საათზე დაიწყება.