შემოგვიერთდით

კანავარო: "კვარა თუ ოსიმენი? ოქროს ბურთს მას მივცემდი"

7-09-2023, 19:45

Aa Aa

გაზიარება:

იტალიის ჩემპიონატის გასული სეზონის გამორჩეული ფეხბურთელები ხვიჩა კვარაცხელია და ვიქტორ ოსიმენი იყვნენ, რომელთა ლიდერობითაც ნეაპოლელებმა ხანგრძლივი პაუზის შემდეგ სერია ა იზეიმეს.

ლეგენდალურმა იტალიელმა, ფაბიო კანავარომ, ნეაპოლურ რადიო Radio Kiss Kiss Napoli-თან ქართველ და ნიგერიელ შემტევებზე ისაუბრა და მათ შორის უპირატესობა ამ უკანასკნელს მიანიჭა:

"ვის მივცემდი ოქროს ბურთს ამ ორ ფეხბურთელს შორის? უდავოდ ოსიმენს. ჩემთვის გადამწყვეტი ფაქტორი სწორედ ვიქტორი იყო - ის დომინირებდა საჯარიმოში და ამ საქმეში ფენომენალური იყო.

ოსიმენი როგორც გარსიასთვის, ასევე ლუჩიანო სპალეტისთვის, იდეალური ფეხბურთელი იყო და არის", - განაცხადა კანავარომ Radio Kiss Kiss Napoli-სთან საუბრისას.

ცნობისთვის, ოქროს ბურთის მოგების კანდიდატებს შორის ფრანს ფუტბოლმა ორივე მათგანი შეიყვანა.