'მძიმე ბრძოლა გველის' - ლუკა დონჩიჩი საქართველოსთან მატჩზე

27-08-2023, 12:00

Aa Aa

გაზიარება:

მსოფლიო ჩემპიონატის პირველი ტური ოკინავაში მოასპარეზე ევროპული გუნდებისთვის წარმატებული გამოდგა: საქართველოს ნაკრებმა კაბო ვერდე დაამარცხა (85:60), სლოვენიამ – ვენესუელა (100:85).

მეორე ტურში, 28 აგვისტოს ერთმანეთს ჯგუფის ფავორიტები, საქართველო და სლოვენია შეხვდებიან. პირველადგილოსნის ბედი, დიდი ალბათობით, ამ მატჩში გაირკვევა.

ვენესუელასთან მატჩის შემდეგ სლოვენიელ ლიდერ ლუკა დონჩიჩს საქართველოსთან მატჩზე ჰკითხეს.

"საქართველოს ნაკრები კარგად ორგანიზებული, ტანმაღალი კალათბურთელებით დაკომპლექტებული გუნდია. აქვს მრავალფეროვანი იარაღი და წინასწარ ვემზადებით, რომ ურთულესი ბრძოლა გველის. მატჩამდე კიდევ ერთხელ გავშიფრავთ ვიდეოს და თამაშს სათანადოდ მომზადებულები შევხვდებით“