" ხვიჩა კვარაცხელიას ყველანაირი შესაძლებლობა აქვს, რომ საუკეთესო გახდეს" - კახი კალაძე ქართველ ფეხბურთელზე საუბრობს

13-10-2022, 20:30

Aa Aa

გაზიარება:

ქალაქ თბილისის მერმა, კახი კალაძემ "ნაპოლის" ერთ-ერთი ლიდერის, ხვიჩა კვარაცხელიას მომავალზე მედიასთან კომენტარი გააკეთა და განაცხადა:

"ხვიჩას დიდ წარმატებებს ვუსურვებ. მართლაც, ძალიან ძლიერად ატარებს აბსოლუტურად ყველა შეხვედრას ნაპოლის შემადგენლობაში და მისი გუნდი ძალიან წარმატებულია. შეიძლება, იტალიის გუნდებს შორის ერთ-ერთი წარმატებული და საუკეთესო ფეხბურთს აჩვენებს.

ამ ყველაფერში ხვიჩას როლი ძალიან დიდია. მინდა, კიდევ მეტი წარმატება ვუსურვო მას. დარწმუნებული ვარ, ყველანაირი შესაძლებლობა აქვს იმისა, რომ გახდეს მსოფლიოს საუკეთესო ფეხბურთელი. ყველაფერი მასზეა დამოკიდებული.“ – განაცხადა კახა კალაძემ.

შეგახსენებთ იმასაც, რომ 21 წლის შემტევმა გუშინ "აიაქსის" წინააღმდეგ, მეორე ჩემპიონთა ლიგური გოლის გატანა მოახერხა თავის საკლუბო კარიერაში.