როგორც იცით, იმ ქართველი ძიუდოისტების გარდა, რომლებიც საქართველოს სახელით ასპარეზობდნენ, ტაშკენტის მსოფლიოს 2022 წლის ჩემპიონატზე კიდევ ერთი ქართველი იყო, რომელიც ესპანეთის სახელით გამოდიოდა, ის ნიკოლოზ შერაზადიშვილია.
ნიკოლოზ შერაზადიშვილი ესპანეთში 14 წლისას გადასახლდა და ცოტა ხნის წინ, ცნობილი გახდა, რომ ნიკოლოზ შერაზადიშვილის სახელი ესპანეთის ერთ-ერთ ქუჩას მიანიჭეს. როგორც ირკვევა, მადრიდის გარეუბნის პატარა ქალაქის ბრუნეტეს მერის გადაწყვეტილებით, ნიკო შერას სახელი ქალაქის ერთ-ერთ ქუჩას მიენიჭა.