რამდენიმე წუთის წინ დასრულდა მე-4 ტურის მორიგი შეხვედრა "ნაპოლისა" და "აიაქსს" შორის, სადაც ნეაპოლელებმა დამაჯერებელი ანგარიშით - 4:2 იმარჯვეს.
აღსანიშნავია, რომ კიდევ ერთი პროდუქტიული შეხვედრა ჩაატარა ქართველმა ფეხბურთელმა, ხვიჩა კვარაცხელიამ, რომელმაც ამ მატჩში გოლს პლუს საგოლე გადაცემა მიიწერა.
90 წუთის შემდეგ, ჩვეულებისამებრ SofaScore-მა ფეხბურთელები ჩატარებული მატჩის მიხედვით შეაფასა. ხვიჩამ ინგლისური ვებგვერდისგან შეფასების სახით 7.6 ქულა მიიღო, რომელიც პარტენოპეის რიგებში საუკეთესო შედეგი გამოდგა. ხოლო FotMob-მა 21 წლის შემტევი 8.5 ქულით შეაფასა.