მოგეხსენებათ, წარმატებული სეზონის შემდეგ ფრანგული მეცის და საქართველოს ნაკრების შემტევზე, გიორგი მიქაუტაძეზე გუნდებმა "ნადირობა" გამოაცხადეს.
როგორც ადგილობრივი გამოცემა Le10sport ირწმუნება, მეცი ლიგა 2-ის საუკეთესო ბომბარდირის ტრანსფერში 20 მილიონ ევროს ითხოვს, მათივე ინფორმაციით, ლიონი, რომელიც ქართველ ფორვარდს უკვე დიდი ხანია რაც აკვირდება, ამხელა თანხის გადახდისთვის მზად არ არის.
ამავე დროს, საქმეში 2 ინგლისური კლუბია - პრემიერლიგაში ბინადარი ბარნლი და ვულვზი მზად არიან მეცის ფინანსური მოთხოვნა დააკმაყოფილონ.
ცნობისთვის, მიქაუტაძემ ლიგა 2-ის სეზონში 36 მატჩი ჩაატარა და 23 გოლისა და 8 საგოლე გადაცემით შესრულება მოახერხა.