მოგეხსენებათ, ნაპოლიმ იტალიის სერია A-ს გასულ ტურში საკუთარ მოედანზე ინტერს უმასპინძლა და მეტოქე 3:1 დაამარცხა - განსაკუთრებით ლამაზი იყო მეორე გოლი, რომელიც სპალეტის გუნდის კაპიტანმა გაიტანა და აღნიშვნის დროს მთავარი მწვრთნელისკენ გაეშურა.
ამაზე კომენტარი მოგვიანებით ჟურნალისტებთან თავად დი ლორენცომაც გააკეთა:
"სივრცე ვიპოვე და დარტყმა გადავწყვიტე, რაც კარგად გამომივიდა. გუნდისთვის მნიშვნელოვანი გოლი იყო, რადგან მოგება გვინდოდა და ამიტომაც ბედნიერი ვარ.
რატომ ჩავეხუტე გოლის შემდეგ სპალეტის? ის ძალიან მნიშვნელოვანი ფიგურაა როგორც ჩემთვის, ასევე გუნდისთვის - ამიტომ ჩავეხუტე მას.
მატჩამდე ბევრი ვისაუბრეთ იმაზე, რომ ინტერი იყო ამ სეზონში ერთადერთი გუნდი, რომელიც დამარცხებული არ გვყავდა", - განაცხადა დი ლორენცომ.