როგორც იცით, ბოლო პერიოდში საკმაოდ ბევრი იწერება იმის შესახებ, რომ მანჩესტერ იუნაიტედს კიმ მინ-ჯეს შეძენა ამავე სეზონის დასრულების შემდეგ სურს.
დღეს მედიაში გავრცელდა ინფორმაცია, რომ თუ კორეელი ფეხბურთელი "წითელ ეშმაკებში" გადაბარგდება, მაშინ მისი წლიური შემოსავალი 9 მილიონი ევრო იქნება.
სხვათაშორის, დაიწერა ისიც, რომ მანჩესტერელებმა კიმთან და მის გარემოცვასთან პირადი კონტრაქტი უკვე შეათანხმეს და ახლა ჯერი ნაპოლისა და აურელიო დე ლაურენტისზეა.
შეგახსენებთ, რომ კიმ მინ-ჯე იტალიურ გუნდში გასულ სეზონში თურქული ფენერბაჰჩედან 18 მილიონი ევროს სანაცვლოდ გადავიდა.