როგორც ავტორიტეტული იტალიური გამოცემა, La Gazzeta dello Sport-ი იტყობინება, “მილანის” ხელმძღვანელობასა და პორტუგალიელ ფეხბურთელს, რაფა ლეაოს შორის კონტრაქტის გახანგრძლივებასთან დაკავშირებით მოლაპარაკებები წარმატებულ დასასრულს უახლოვდება.
როგორც აღნიშნული წყარო გვამცნობს, “შავ-წითლები” ახალგაზრდა ვარსკვლავს შეთანხმებას 2028 წლამდე გაუხანგრძლივებენ. რაც შეეხება ანაზღაურებას, ის დაახლოებით 7-9 მილიონ ევრომდე მერყეობს ბონუსების გათვალისწინებით. რაფას გამოსასყიდი თანხა კი 150 მილიონი ევრო იქნება.
შეგახსენებთ, რომ ლეაუ “როსონერის” ღირსებას 2019 წლიდან იცავს.