ყოფილმა იტალიელმა ფეხბურთელმა, ანტონიო კასანომ დაასახელა იმ გუნდების ვინაობა, რომლებიც ჩემპიონთა ლიგის 2022/23 წლების სეზონში ფინალურ მატჩში მიიღებენ მონაწილეობას. ხაზი უნდა გავუსვათ იმას, რომ იტალიელმა ეს განცხადება “მანჩესტერ სიტისა” და “რეალის” შეხვედრამდე გააკეთა.
“ჩემი აზრით, ჩემპიონთა ლიგის წლევანდელი ტრიუმფატორი მანჩესტერ სიტი იქნება. პირველი შეხვედრა 1-1 დასრულდება, მეორე 2-0, რა თქმა უნდა, სიტის სასარგებლოდ.
რაც შეეხება მეორე მატჩს, ვთვლი, რომ ინტერი მილანის ბარიერს დაძლევს. ორივე შეხვედრა ნერაძურის სასარგებლოდ 2-1 დასრულდება” - განაცხადა ანტონიომ.