რამდენიმე საათის წინ, ესპანურმა Marca-მ ხვიჩა კვარაცხელიას შესახებ საკმაოდ საინტერესო სტატია გამოაქვეყნა.
როგორც ისინი წერენ, გიორგი მამარდაშვილის ამჟამინდელმა კლუბმა ვალენსიამ კვარას გადაბირება 2 წლის შუალედით ორჯერ სცადა, თუმცა ორივეჯერ ხელი სხვადასხვა ფაქტორმა შეუშალა:
"ვალენსიამ ხვიჩა კვარაცხელიასთვის შეთავაზება რუბინს 2021 წელს გაუკეთა და მხარეებს შორის შეხვედრაც კი შედგა, თუმცა ყველაფერი კორონავირუსმა არია."
"რაც შეეხება მეორე შეთავაზებას, ის გასული წლის მარტში გაკეთდა, რადგან ვალენსიას მესვეურებს სურდათ, რომ კლუბში ორი ქართველი ერთად ეხილათ, თუმცა იმ დროისთვის ნაპოლის მოლაპარაკებები უკვე დასკვნით ფაზაში ჰქონდა მიყვანილი." - წერს ესპანური გამოცემა
შეგახსენებთ, რომ კვარაცხელიამ ნაპოლის მაისურით ამ დრომდე 39 შეხვედრა გამართა, 14 გოლი გაიტანა და ამდენივე საგოლე პასი მიითვალა.