PHOTO: რა შეფასება დაიმსახურა ლოჩოშვილმა “ფიორენტინასთან”

28-04-2023, 12:15

Aa Aa

გაზიარება:

იტალიის თასის მეორე ნახევარფინალური მატჩის განმეორებითი შეხვედრა გუშინ გაიმართა, სადაც “ფიორენტინამ” შინ “კრემონეზე” მიიღო. მატჩი ნულოვანი ფრით დასრულდა, შესაბამისად ფინალში “იები” გავიდნენ და “ინტერს” ტიტულისათვის დაუპირისპირდებიან.

აღნიშნულ მატჩში “კრემონეზეს” მაისურით მონაწილეობა მიიღო ქართველმა ფეხბურთელმა, ლუკა ლოჩოშვილმა. მან მოედანზე 90 წუთი გაატარა. თავის თანაგუნდელ ალექს ფერარისთან ერთად კრემონული კლუბის 44-ე ნომერმა მატჩში ყველაზე მაღალი შეფასება მიიღო Sofascore-სგან - 7.5 ქულა.

“ლუკა პირველ ნახევარში ძალიან კარგი იყო, არტურ კაბრალს შესანიშნავად იცავდა. ჯიუტად და ბოლომდე იბრძოდა ყველა მომენტში, ისეთ ეპიზოდებშიც კი, როდესაც უკან დახევა უწევდა” - ვკითხულობთ Calciomercato-ის სტატიაში.