ბოლო პერიოდში საკმაოდ აქტიურად იწერება იმის შესახებ, რომ გიორგი მამარდაშვილით ინგლისური კლუბები ინტერესდებიან, განსაკუთრებით კი ლონდონურები.
ამ ყველაფრის შესახებ სოციალურ ქსელში პოსტს აქვეყნებს მსოფლიოს ყველაზე ცნობილი და გავლენიანი სპორტული ჟურნალისტი, ფაბრიციო რომანო, რომელიც ამბობს, რომ ქართველი მეკარე სეზონის ბოლოს ვალენსიას 100%-ით დატოვებს:
"საქართველოს ნაკრების მეკარე გიორგი მამარდაშვილი სეზონის დასრულებისას ვალენსიადან წავა მიუხედავად იმისა, რომ კლუბთან კონტრაქტი სულ ახლახანს 2027 წლამდე გაახანგრძლივა."
"პრემიერ ლიგაში ლონდონის ჩელსი და ტოტენჰემი ქართველი მეკარის სიტუაციას აქტიურად აკვირდებიან, ლესტერის წარმომადგენლები კი მამარდაშვილის აგენტს 10 დღის წინ შეხვდნენ." - წერს ჟურნალისტი
შეგახსენებთ, რომ გიორგის გამოსასყიდი თანხა ამ ეტაპზე 100 მილიონს შეადგენს, თუმცა შესაძლებელია, რომ მამარდა უფრო ნაკლებ ფასშიც გაიყიდოს, ყველაფერი უშუალოდ კლუბებს შორის მოლაპარაკებაზე იქნება დამოკიდებული.