ევროპის ლიგის მეოთხედფინალურ მატჩში იტალიური “რომა” როტერდამის “ფეინოორდს” ესტუმრა და მინიმალური სხვაობით, ანგარიშით 0-1 დამარცხდა. ჟოზე მოურინიომ შეხვედრის შემდგომ Sky Sports-თან ისაუბრა:
“დიბალასა და აბრაჰამის ტრავმებზე ვერაფერს ვიტყვი, სამედიცინო შტაბთან ჯერ არ მისაუბრია. სამწუხაროდ, შეტევაში ერლინგ ჰალანდი არ გვყავს, მაგრამ ვცდილობთ, ჩვენი შესაძლებლობების მაქსიმუმი გამოვიყენოთ. ბიჭებმა ყველაფერი გააკეთეს და გვქონდა შანსი, რომ დღეს სასურველი შედეგისთვის მიგვეღწია, მაგრამ ეს არ მოხდა.”
განმეორებითი დაპირისპირება 20 აპრილს, სტადიო ოლიმპიკოზე გაიმართება.