როგორც Sport წერს, კილიან მბაპეს სურს, რომ ლიონელ მესიმ ხელშეკრულება გაახანგრძლივოს და პარი სენ-ჟერმენში დარჩეს.
მოგეხსენებათ, რომ არგენტინელს საფრანგეთში თამაში აღარ სურს, ამ სიტუაციას კი ბარსელონა გამალებით აკვირდება. მათ პრეზიდენტს, ჟოან ლაპორტას განზრახული აქვს, რომ მესი კამპ ნოუზე 1 წლით დააბრუნოს და ხელახალი, უფრო ოვაციური გაცილება მოუწყოს.
ცნობისთვის, ლეო მესის პსჟ-სთან დადებული კონტრაქტი 2023 წლის ზაფხულში იწურება. მან ამ სეზონში 18 გოლი გაიტანა და 17 საგოლე პასი მიითვალა.