მოგეხსენებათ, ვიქტორ ოსიმენმა საზარდული დაიზიანა და გარკვეული პერიოდი დასვენებას საჭიროებს. იგი დღევანდელ მატჩს გამოტოვებს სერია A-ში “მილანის” წინააღმდეგ, თუმცა თავად ნიგერიელი იმედოვნებს, რომ ჩემპიონთა ლიგის მეოთხედფინალებისთვის მზად იქნება.
“სერიოზული არაფერია, მაგრამ 10-12 დღე დასვენება მჭირდება, რათა ბოლომდე გამოვჯანმრთელდე. იმედი მაქვს და მჯერა, რომ ჩემპიონთა ლიგაზე მილანთან მოედანზე ვიქნები.
ყველანი ბედნიერები ვართ და ჩვენი ოცნების ასახდენად მაქსიმუმს ვაკეთებთ. სეზონის დასაწყისში ჩვენი ცოტას სჯეროდა, თუმცა, ახლოს ვართ მიზნებთან და მოუთმენლად ველოდებით ოცნების ასრულებას” - განაცხადა “პარტენოპეის” ერთ-ერთმა ლიდერმა TG5-თან საუბრისას.