საქართველოს ეროვნული ნაკრები უკვე სრული შემადგენლობით ვარჯიშობს და შეხვედრებისათვის აქტიურად ემზადება. 25 მარტს მონღოლეთს, 28-ში კი ნორვეგიის ეროვნულ ნაკრებებს ბათუმში, აჭარაბეთ არენაზე ვუმასპიმძლებთ.
გუშინ ჩვენი ნაკრების შემტევმა, ზურიკო დავითაშვილმა მიმდინარე შეკრება შეაფასა და მატჩების მნიშვნელობას ხაზი გაუსვა:
“ეს საკვალიფიკაციო ეტაპი ბევრ რამეს დაგვანახებს. რა თქმა უნდა, მოლოდინი ჯგუფიდან გასვლაა. რთული იქნება, მაგრამ ამის გაკეთება შეგვიძლია. 28 მარტს ერთ-ერთ კონკურენტს ვეთამაშებით და საკუთარ მოედანზე ასეთი გუნდების დამარცხება შეგვიძლია. აქამდეც მოგვიგია კარგ გუნდებთან, თუმცა ყველასთვის საინტერესოა, შევძლებთ თუ არა, ამჯერად მოგებას. ძალიან დიდი იმედი მაქვს, რომ ნორვეგიას დავამარცხებთ".