იტალიის საკალათბურთო ჩემპიონატის 22-ე ტურში “ვირტუს ბოლონია” “ემპორიო არმანი მილანოს” ესტუმრა და მნიშვნელოვანი გამარჯვება იზეიმა ანგარიშით 75:69.
წარმატებაში თავისი წვლილი ქართველმა კალათბურთელმა, თორნიკე შენგელიამაც შეიტანა. საქართველოს ნაკრების კაპიტანმა შეხვედრა სასტარტო ხუთეულიდან დაიწყო და ჯამში 25 წუთი ითამაშა. ამ დროის მანძილზე თორნიკემ 11 ქულა, 8 მოხსნა, 1 ჩაჭრა და 3 შედეგიანი გადაცემა მიითვალა.
ბოლონიელებისთვის მიმდინარე სეზონში ეს მე-18 გამარჯვება იყო. ამის საპირისპიროდ მათ 4 მარცხი აქვთ, მაგრამ ჩემპიონატში პირველ ადგილს მაინც ინარჩუნებენ.