ინგლისის პრემიერ ლიგის 28-ე ტურის შეხვედრაში, ტოტენჰემა გასვლაზე საუთჰემპტონის დამარცხება ვერ მოახერხა - ეს ყველაფერი კი იმის ფონზე, რომ ანტონიო კონტეს გუნდი 74-ე წუთისთვის 3:1 იგებდა.
მოგვიანებით, ჟურნალისტებთან გაკეთებულ კომენტარი, განრისხებულმა 53 წლის იტალიელმა სპეციალისტმა ტოტენჰემის ფილოსოფიაზე ღიად და დაუფარავად ისაუბრა:
"აქ ასე თამაშს მიჩვეულები არიან, მათ ზეწოლისა და სტრესის ქვეშ თამაში არ სურთ, აი ასეთი ისტორია აქვს ტოტენჰემს. ამ კლუბის მეპატრონე უკვე 20 წელია რაც აქ არის, თუმცა არაფერი მოუგიათ - რატომ?!
აქამდე ვცდილობდი, რომ ეს სიტუაცია დამემალა. რას შეიძლება მივაღწიოთ, თუ კლუბში ასეთი შემართება და დამოკიდებულება იქნება? მე-7 ადგილი? მე-8? თუ მათ ასე უნდათ გაგრძელება, მწვრთნელის შეცვლა მოუწევთ, მაგრამ დამიჯერეთ, ეს სიტუაცია არ შეიცვლება!", - განაცხადა კონტემ.