როგორც იცით, რუსეთის ეროვნული საფეხბურთო ნაკრები და რუსული კლუბები სანქცირებულები არიან. ისინი FIFA-სა და UEFA-ს მიერ ორგანიზებულ ვერცერთ ჩემპიონატში ვერ იღებენ მონაწილეობას, მიზეზი უკრაინაში ომის წამოწყებაა.
სწორედ აქედან გამომდინარე, რუსები აპირებენ, რომ მონაწილეობა ცენტრალური აზიის ჩემპიონატში მიიღონ, რასაც ადგილობრივი მედია ადასტურებს.
ამავე ჩემპიონატში ძალიან ბევრი არასაფეხბურთო ქვეყანა იღებს მონაწილეობას, ესენია: ყირგიზეთი, ტაჯიკეთი, უზბეკეთი, ავღანეთი, თურქმენეთი და სხვები.
გავრცელებული ინფორმაციის თანახმად, ტურნირი 2023 წლის 9 ივნისს დაიწყება და 21-ში დასრულდება.