სტეფანო პიოლის მილანი ჩემპიონთა ლიგის 1/4 ფინალშია! - ეს 2011/2012 წლების სეზონის შემდეგ ამ კლუბისთვის პირველად მოხდა.
ტოტენჰემთან ორი მატჩის ჯამში 1:0 გამარჯვების შემდეგ, პიოლიმ რამდენიმე არასასურველი მეტოქე დაასახელა, რომლებთანაც მილანი 1/4 ფინალში შეხვედრას არ ისურვებდა:
"პირველ რიგში, ძალიან გვიხარია, რომ ჩემპიონთა ლიგის 8 საუკეთესო გუნდში მოვხვდით, აქ მხოლოდ რჩეულთა ადგილია. ჩვენთვის უმნიშვნელოვანესია ის, რომ ასეთი დონის გუნდებს ხშირად ვეთამაშოთ, რადგან მათთან ასპარეზობა სხვა გზით არ გვიწევს ხოლმე."
"მომდევნო მეტოქე? - არ მსურს, რომ ეს ინტერი ან ნაპოლი იყოს. ზოგადად, იტალიურ კლუბებთან შეხვედრა არ გვინდა, რადგან მათთან ისედაც ხშირად ვთამაშობთ. ნებისმიერ შემთხვევაში ნაპოლისაც და ინტერსაც წარმატებებს ვუსურვებ."
"ჩემპიონთა ლიგის მოგება? - ალბათ, ბევრი ფიქრობს, რომ მილანისთვის ეს შეუძლებელი იქნება, თუმცა მე თავში ის აზრი მიტრიალებს, რომ ფეხბურთში შეუძლებელი არაფერია."