ჩემპიონთა ლიგის 1/8 ფინალური ეტაპის პირველი შეხვედრები ოფიციალურად დასრულდა, რის განმავლობაშიც მაყურებელმა არაერთი ლამაზი გოლი და მომენტი იხილა.
ტრადიციულად, ჩემპიონთა ლიგის ოფიციალური ვებგვერდი პირველი წრის საუკეთესო გოლს ავლენს ხოლმე, აქედან ერთ-ერთი კანდიდატი კი ჯოვანი დი ლორენცოს გოლია, რომელიც მან ხვიჩა კვარაცხელიას გენიალური პასის შემდგომ გაიტანა.
ცნობისთვის, აღნიშნული სიის სხვა წევრები ვინისიუს ჟუნიორი, კარიმ ბენზემა და დარვინ ნუნიესი არიან. რაც შეეხება ხმის მიცემას, ის ჩემპიონთა ლიგის ოფიციალური გვერდიდან ხდება.