გუშინ “ნაპოლიმ” ჩემპიონთა ლიგის პირველი მერვედფინალური მატჩი გამართა, ფრანკფურტის “აინტრახტს” ესტუმრა. იტალიელებმა არცთუ ისე მარტივ შეხვედრაში მეტოქე დაჩაგრეს და ანგარიშით 2-0 დაამარცხეს. ხვიჩა კვარაცხელიამ ულამაზესი საგოლე გადაცემა მიითვალა.
მატჩის დასრულების შემდგომ ნეაპოლელთა მთავარმა მწვრთნელმა, ლუჩიანო სპალეტიმ ხვიჩა შეაქო:
“კვარაცხელიას თამაშის ყურება მიყვარს, ნამდვილი ბრილიანტია. ფანტასტიკური ტექნიკა აქვს, ორივე ფეხით თამაშობს. ისეთი ბიჭია, რომ მის წინააღმდეგ თამაში არ უნდა გინდოდეს.”
განმეორებითი მატჩი 15 მარტს შედგება.