ამ წუთებში მიმდინარეობს იტალიის ჩემპიონატის 23-ე ტურის შეხვედრა, რომელშიც ერთმანეთს სასუოლო და ნაპოლი უპირისპირდებიან (ანგარიში 0:2-ია).
როგორც მოსალოდნელი იყო, ლუჩანო სპალეტიმ ხვიჩა კვარაცხელია კვლავ ძირითად შემადგენლობაში დააყენა, რომელმაც მინდროზე საკუთარი ნომრის მსგავსად, 77 წუთი გაატარა.
აღსანიშნავია, რომ ქართველმა გარემარბმა მორიგი ბრწყინვალე მატჩი შემოგვთავაზა და ალბათ, ნეაპოლურ კარიერაში ერთ-ერთი ყველაზე დასამახსოვრებელი და გამორჩეული გოლი გაიტანა.
რაც შეეხება ხვიჩა კვარაცხელიას შეფასებას, მას უცხოურმა Sofascore-მ 8.3 სარეიტინგო ქულა დაუწერა, რაც მატჩის საუკეთესოობას ნიშნავს!