იტალიის ეროვნული ნაკრების, უდინეზეს, ფიორენტინასა და რომას ყოფილმა ფეხბურთელმა, გაეტანო დ'აგოსტინომ ხვიჩა კვარაცხელიაზე ისაუბრა და აღნიშნა, რომ ქართველი ფეხბურთელი თამაშით ლუიშ ფიგუს ჰგავს:
"ბურთთან ურთიერთობის, დარტყმისა და ჩაწოდების თვალსაზრისით, ხვიჩა კვარაცხელია ლუიშ ფიგუს მახსენებს."
"რა წვლილი მიუძღვის ლუჩანო სპალეტის კვარას განვითარებაში? - ჩემი აზრით, მას ყოველთვის გამოსდიოდა თავისი ფეხბურთელების გაუმჯობესება, განსაკუთრებით გარემარბების. ლუჩანო არის მწვრთნელი, რომელიც დეტალებს უდიდეს მნიშვნელობას ანიჭებს, სწორედ ამიტომაა ის ასეთი წარმატებული." - თქვა გაეტანო დ'აგოსტინომ