ლევან კორღალიძემ შესაძლოა, ნაკრები ჩაიბაროს - "დამიკავშირდნენ და ვისაუბრეთ, მაგრამ..." » SPORTLINE.GE - სპორტის ხაზი

ლევან კორღალიძემ შესაძლოა, ნაკრები ჩაიბაროს - "დამიკავშირდნენ და ვისაუბრეთ, მაგრამ..."

ლევან კორღალიძემ შესაძლოა, ნაკრები ჩაიბაროს - "დამიკავშირდნენ და ვისაუბრეთ, მაგრამ..."
13-10-2021, 14:15
Aa Aa
გაზიარება:

ქართველმა სპეციალისტმა, ლევან კორღალიძემ, საბერძნეთთან განცდილი მარცხის შემდეგ ჩვენი ნაკრების თამაში "პირველი არხის" ეთერში შეაფასა.

"ნაკრების თამაშები ჩემთვის ძალიან რთული შესაფასებელია, რადგან ზუსტად უნდა იცოდე, ნაკრებში რა სახის პროცესები მიმდინარეობს. ამიტომ მე მხოლოდ ზოგადი შეფასებით შემოვიფარგლები. ფაქტია, ჩვენ რომ გვინდა, ისე ვერაა საქმე და ბოლო შეხვედრებში ჩვენს თამაშებს დადებითად ვერ შევაფასებ. ჩემთვის ნაკრების ასეთი გამოსვლის ნახვა მტკივნეული იყო."

"ბათუმში მომხდარმა დიდმა ტრაგედიამ ყველა ფეხბურთელზე უარყოფითად რომ იმოქმედა, ეს გასაგებია, მაგრამ მათგან სწორედ ამის გამო უფრო მეტ თავდადებას ველოდი. შეიძლება თამაში არ წაგივიდეს, მაგრამ ჟინი უნდა აჩვენო. სამწუხაროა, რომ ესეც არ იგრძნობოდა."
- განაცხადა ლევანმა.

აღსანიშნავია, რომ კორღალიძე "საბურთალოს" წვრთნიდა, მაგრამ ამჟამად ის უმუშევარია და გაამხილა, რომ შეიძლება ერთ-ერთი უცხოური ნაკრების მწვრთელად დაინიშნოს:

"არ მინდა იმის დაკონკრეტება, რომელი ქვეყნიდან დამიკავშირდნენ, მაგრამ ერთ-ერთი ეროვნული ნაკრების ჩაბარებაზე ნამდვილად ვისაუბრე. ინტერესი არის, მაგრამ ეს იყო წინასწარი საუბარი, რომლის მიზანიც ჩემი აზრის გაგება იყო, ჩავიბარებდი თუ არა ამ ნაკრებს. ერთი თვის წინაც დამიკავშირდნენ და ახლაც მესაუბრნენ."

"ახლა მოლოდინის რეჟიმში ვარ და შესაძლოა, ამის გამო წლის ბოლომდე გამგზავრება და ადგილზე დალაპარაკება მომიხდეს. მაგრამ ვიმეორებ, ჯერ მხოლოდ წინასწარი საუბრები იყო და არ მინდა ისეთი მოლოდინი შევქმნა, რომ ქართველი მწვრთნელი უკვე უცხოური ნაკრების მთავარი მწვრთნელი გახდა. სხვა კანდიდატურებიც განიხილება, მაგრამ ჩემ მიმართაც ინტერესი არის."
- დასძინა მან.

კომენტარის დამატება
კოდის განახლება
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.


დღის ხაზი