დათუნაშვილი: "გეგა გეგეშიძე სერბეთის ფედერაციის პრეზიდენტთან მივიდა და ეს უთხრა…” » SPORTLINE.GE - სპორტის ხაზი

დათუნაშვილი: "გეგა გეგეშიძე სერბეთის ფედერაციის პრეზიდენტთან მივიდა და ეს უთხრა…”

დათუნაშვილი: "გეგა გეგეშიძე სერბეთის ფედერაციის პრეზიდენტთან მივიდა და ეს უთხრა…”
13-10-2021, 23:16
Aa Aa
გაზიარება:

მოგეხსენებათ, ზურაბ დათუნაშილმა რამდენიმე დღის წინ 87კგ წონით კატეგორიაში, სერბეთის სახელით, მსოფლიო ჩემპიონატი მოიგო. ამის შემდეგ მან ტელეკომპანია “ფორმულას” ეთერში მის გარშემო არსებულ ვითარებაზე ისაუბრა. 

“მადლობას ვუხდი ყველა ქართველს, ვისაც ჩემი გამარჯვება გაუხარდა. როცა მეოთხედფინალში ლაშა გობაძეს შევხვდი, ჩემთვის ძალიან რთული იყო და ვფიქრობ, ლაშასთვისაც რთული იყო. ისე გამოვიდა, რომ გავიმარჯვე. რაღაცნაირად, ფსიქოლოგიურად, ვგრძნობდი, რომ მაღლა ვიყავი ყველაზე და გამარჯვებას მოვიპოვებდი. ეს აისახა კიდეც ჩემს ჭიდაობაზე."

"ისეთი სიტუაცია მქონდა, რომ არ მაძლევდნენ საშუალებას ჩემი საქმე გამეგრძელებინა. მე ვითხოვდი თანასწორობას, ჯანსაღ კონკურენციას, მაგრამ ამის საშუალება არ მომცეს. ყველა პირობა შემიქმნეს, რომ ქვეყანა დამეტოვებინა. მადლობას ვუხდი კიდევ ერთხელ სერბეთს, რომელიც მენდო და შანსი მომცა. გულდასაწყვეტია, რომ საკუთარ ქვეყანას ტოვებ. როცა კვარცხლებზე ვიდექი, საქართველოს დროშა სერბეთის დროშაზე ქვემოთ იყო, რაც ჩემთვის რთულად აღსაქმელია, მაგრამ რა ვქნათ, ასე გამოვიდა."

"ზოგი მწერს, რომ შენ საქმეს მიხედე და რაღაც სისულელეებს… ბევრს უხარია, მომილოცა და მადლობა ამისთვის. სერბები ძალიან გახარებულები არიან, მაფასებენ და თავს დაფასებულად ვგრძნობ. სამწუხაროდ, საქართველოში სპორტულ კარიერას ვეღარ გავაგრძელებ, წესები ამის საშუალებას არ იძლევა."

"2020 წელს, ამ პრობლემების შემდეგ პირველად გამოვედი ევროპის ჩემპიონატზე სერბეთის სახელით. წელიწადზე მეტი გამოტოვებული მქონდა და სამწუხაროდ, დავმარცხდი. საქართველოს ჭიდაობის ფედერაციის პრეზიდენტი სერბეთის ჭიდაობის ფედერაციის პრეზიდენტთან მივიდა და უთხრა, რომ ჩვენ ვიმეგობროთო, მაგრამ ხომ გითხარი ზურა ვეღარ იჭიდავებსო. შემდეგ, სერბეთის ფედერაციის პრეზიდენტმა ეს ამბავი მე მითხრა. ეს ყველაფერი მოტივაციის წყაროდ ვაქციე. ერთ წელიწადში სამი დიდი მედალი ავიღე და მადლობა ღმერთს. რას ვეტყვი გეგა გეგეშიძეს? არაფერს, ჩემი საქმით ვამბობ სათქმელს”
- განაცხადა დათუნაშვილმა.

კომენტარის დამატება
კოდის განახლება
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.


დღის ხაზი