"ეს ბრძოლა მისთვის მოვიგე..." - საბამ მსოფლიოს ჩემპიონობა ემიგრანტ დედას მიუძღვნა » SPORTLINE.GE - სპორტის ხაზი

"ეს ბრძოლა მისთვის მოვიგე..." - საბამ მსოფლიოს ჩემპიონობა ემიგრანტ დედას მიუძღვნა

"ეს ბრძოლა მისთვის მოვიგე..." - საბამ მსოფლიოს ჩემპიონობა ემიგრანტ დედას მიუძღვნა
9-10-2021, 23:25
Aa Aa
გაზიარება:

ქართველმა ძიუდოისტმა, საბა ინანეიშვილმა, იტალიის ქალაქ ოლბიაში მიმდინარე მსოფლიოს ახალგაზრდული ჩემპიონატზე ოქროს მედალი მოიპოვა მან ფინალში უზბეკი მოწინააღმდეგე დაამარცხა, აღსანიშნავია, რომ დღეს ქართველი ძიუდოისტის გამარჯვებას დედამისი, გვანცა ჭანტურიძე, დაესწრო , რომელიც 5 წელია საქართველოდან იტალიაში სამუშაოდ არის გადაბარგებული, დედა-შვილის შეხვედრას კი საქართველოს ძიუდოს ფედერაციაც გამოეხმაურა:

"5 წლის წინ, გვანცა ჭანტურიძე მილანში ჩავიდა. ეს არ ყოფილა მოგზაურობა სიამოვნებისთვის, ეს იყო გადაუდებელი აუცილებლობა. მან უკან მოიტოვა ოჯახი, რომელიც საქართველოში დარჩა და მას შემდეგ მათ დასახმარებლად შრომობს. ერთი წუთი არ დაუსვენია, ყოველთვიურად თანხას უგზავნის. ოჯახის წევრებს მხოლოდ ტელეფონისა და ელექტრონული შეტყობინებების საშუალებით ესაუბრება. მისი შვილის, საბა ინანეიშვილის, კარიერას თვალს შორიდან ყურადღებით ადევნებს. - წერია ფედერაციის გვერდზე.

ფინალში გამარჯვების შემდეგ საბამ განაცხადა, რომ ეს გამარჯვება დედას მიუძღვნა: "მე ეს ბრძოლა მისთვის მოვიგე ეს მედალი მისია." - თქვა ინანეიშვილმა.

"საბა ყოველი გამარჯვების შემდეგ მირეკავს და მიყვება,  როგორ მოიგო, მე აქ იმიტომ ჩამოვედი, რომ მისი გამარჯვება საკუთარი თვალით ვნახო, ეს სულ სხვა გრძნობაა“ - განაცხადა გვანცა ჭანტურიძემ

კომენტარის დამატება
კოდის განახლება
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.


დღის ხაზი