გიბრალტართან გასამართი მატჩის წინ, მედიასთან კომენტარი ქართველმა ფეხბურთელმა, ზურიკო დავითაშვილმა გააკეთა, რომელმაც განაცხადა:
"საკმაოდ წარმატებული წელი იყო ჩვენთვის, ნაკრებისთვის. ბოლო თამაში დაგვრჩა გიბრალტართან, რომელიც ძალიან რთული თამაში იქნება ჩემი აზრით, იმიტომ რომ, მაკედონიასთან ძალიან დავიღალეთ, დიდი ხანი ვიმგზავრეთ და სტადიონიც ხელოვნურია. თუმცა, ეს ფაქტორები იმას გვმატებს, რომ უფრო ყურადღებით ვითამაშოთ და მაქსიმალურად მოტივირებულები ვიყოთ." - განაცხადა 21 წლის ფეხბურთელმა.
შეგახსენებთ იმასაც, რომ საქართველოს ეროვნული ნაკრები გიბრალტართან მატჩს დღეს, თბილისის დროით 22:45 წუთზე გამართავს.