ცნობილი გახდა, რომ ნაპოლის 63 წლის დამრიგებელი, ლუჩანო სპალეტი იტალიის ჩემპიონატის იანვრის თვის საუკეთესო მწვრთნელი გახდა.
2023 წლის პირველ თვეში ნაპოლიმ ხუთი შეხვედრა გამართა, რომლიდანაც იტალიელი სპეციალისტის გუნდმა 4 მოიგო და მხოლოდ ერთი წააგო.
სხვათაშორის, აქვე გეტყვით იმასაც, რომ ლუჩანო სპალეტიმ საუკეთესო მწვრთნელის ჯილდო ამ სეზონში უკვე მეორედ მიიღო.
შეგახსენებთ, რომ ნეაპოლური კლუბი სერია A-ს 53 ქულით ლიდერობს და უახლოეს მდევარ ინტერს მთელი 13 ქულით აღემატება. ცნობისთვის, ნაპოლი მომდევნო შეხვედრას 5 თებერვალს სპეციას წინააღმდეგ გამართავს.