კვიპროსული კლუბის, “აპოელის” პრეზიდენტმა, პროდრომოს პეტრიდესმა პრესკონფერენცია გამართა, რომელზეც ქართველ შემტევ, გიორგი ქვილითაისთან ერთად იმყოფებოდა და მის შესახებაც ისაუბრა:
“გიორგი ქვილითაიას სანაცვლოდ კლუბები საკმაოდ დიდ თანხებს იხდიდნენ, მაგრამ გადავწყვიტე, რომ არ გამეშვა. ის ჩვენი გუნდის მნიშვნელოვანი ფეხბურთელია. სწორედ ამიტომ გადავწყვიტე, რომ იგი შემენარჩუნებინა.”
შეგახსენებთ, რომ გიორგი ქვილითაია გასულ სეზონში “აპოელის” საუკეთესო მითამაშედ დასახელდა.