არგენტინელი ფეხბურთელი, ენცო ფერნანდესი ამიერიდან ლონდონის “ჩელსის” რიგებში იასპარეზებს. ლურჯების წარმომადგენლებმა აღნიშნულ ტრანსფერზე დიდი შრომა გასწიეს და “ბენფიკა” მაინც დაითანხმეს. 106.8 მილიონი ფუნტი - სარეკორდო მაჩვენებელი ბრიტანული ჩემპიონატებისთვის. ეს თანხის ის ოდენობაა, რომელიც “ჩელსიმ” არგენტინელში გადაიხადა და ჯეკ გრილიშის 100 მილიონიან ტრანსფერსაც გადაასწრო.
22 წლის ნახევარმცველი ლისაბონურ კლუბს შარშან 10 მილიონად შეუერთდა. ახლა კი მისი ფასი კატარის მსოფლიოს ჩემპიონატის შემდგომ განსაკუთრებით გაიზარდა. ენცო ერთ-ერთი წამყვანი ფიგურა გახლდათ და დიდი წვლილიც შეიტანა არგენტინის მსოფლიო ჩემპიონობაში.