როგორც იცით, ესპანეთის თასის ნახევარფინალურ ეტაპზე ბარსელონა, მადრიდის რეალი, ბილბაო და ოსასუნა გავიდნენ.
ოფიციალური წილისყრის თანახმად, კოპა დელ რეის 1/2 ფინალში ბარსელონა და რეალი ერთმანეთის წინააღმდეგ ითამაშებენ, შეხვედრები თებერვლის ბოლოს ან მარტის დასაწყისში გაიმართება (დაპირისპირება 2 მატჩიანი იქნება).
შესაბამისად, ესპანეთის თასის მეორე ნახევარფინალური შეხვედრა ბილბაოს ატლეტიკსა და პამპლონას ოსასუნას შორის შედგება.
შეგახსენებთ, რომ ჩავი ერნანდესის გუნდმა ამ ეტაპამდე მოსასვლელად რეალ სოსიედადი მინიმალური სხვაობით, 1:0 დაამარცხა, ხოლო რეალმა ატლეტიკოს ბარიერი გადალახა, 3:1.
ცნობისთვის, 2023 წლის პირველი ელ კლასიკო ბარსელონამ 1:3 მოიგო, წინ კი კიდევ სამი მატჩი გველის, ორი კოპა დელ რეის, ხოლო ერთი ლა ლიგის ეგიდით.