ფიგურულ ციგურაობაში, ფინეთის ქალაქ ესპოში მიმდინარე ევროპის ჩემპიონატის მეორე საშეჯიბრო დღეს, მოკლე პროგრამაში თავისი ნომრები გოგონებმა შეასრულეს.
ბრწყინვალედ იასპარეზა ანასტასია გუბანოვამ, რომელიც ჩემპიონატზე 26-ე ნომრად გამოვიდა და 30 მონაწილეს შორის პირველი ადგილი დაიკავა.
ქართველმა მოციგურავემ მოკლე პროგრამში 69.81 ქულა მიიღო და მეორეადგილოსანს, ბელგიელ მოციგურავე ლეონა ჰენდრიქსს თითქმის ორი ქულით აჯობა.
ამ შედეგით, გუბანოვამ ბრწყინვალე შანსი მიიღო, რომ ევროპის ჩემპიონატზე უმაღლესი საფეხურისთის და მედლისთვის იბრძოლოს.
აქვე გეტყვით, რომ თავისუფალ პროგრამაში ანასტასია 28 იანვარს წარსდგება.
აღსანიშნავია ისიც, რომ მიმდინარე ევროპის ჩემპიონატზე ნაჩვენები შედეგით, ანასტასია გუბანოვამ მოკლე პროგრამაში საკუთარი შედეგი (69.56 ქულა - 2018 წელი) გააუმჯობესა.