გია გეგუჩაძის დინამო ბათუმი 2023/2024 წლების სეზონისთვის ემზადება, რომლის ფარგლებშიც აჭარული კლუბი ამხანაგურ შეხვედრებს მართავს.
სწორედ ასე, ბათუმელებმა პირველი მოსამზადებელი მატჩი 20 იანვარს, პოლონური ვიძევის წინააღმდეგ გამართეს და 4:2 დამარცხდნენ. ჩვენი მხრიდან გოლები ბიძინაშვილმა და მამუჩაშვილმა გაიტანეს.
რაც შეეხება მომდევნო ამხანაგურ შეხვედრას, მას ბათუმის დინამო ოთარ კიტეიშვილის შტურმ გრაცის წინააღმდეგ 26 იანვარს გამართავს.
ცნობისთვის, ქართველი ნახევარმცველი ავსტრიულ კლუბში 2018/2019 წლების სეზონიდან თამაშობს და ამავე გუნდთან ოთარს კონტრაქტი 2024 წლის 30 ივნისამდე აკავშირებს.