ქართველმა მოფარიკავემ, სანდრო ბაზაძემ ტუნისის გრან პრის ფინალში იტალიელი ლუიჯი სამელე დაამარცხა და აღნიშნული გათამაშების გამარჯვებული გახდა.
ეს გამარჯვება ისტორიული გამოდგა საქართველოსთვის, რადგანაც ქართველ მოფარიკავეს ამ რანგის ტურნირი აქამდე არასოდეს მოუგია.
აღსანიშნავია, 29 წლის სპორტსმენის ფინალში ძალიან დამაჯერებელი თამაში, სადაც სანდრომ ტოკიოს ოლიმპიური თამაშების ვერცხლის პრიზიორი ანგარიშით 15:8 დაამარცხა.