პიანიჩი: "ჩემთვის რონალდუს გადაწყვეტილება გასაგებია"

13-01-2023, 11:30

Aa Aa

გაზიარება:

ბოსნიის ეროვნული ნაკრებისა და ამჟამად "ალ შარჯას” ნახევარმცველი, მირალემ პიანიჩი კრიშტიანუ რონალდუს ,,ალ ნასირში” გადასვლას გამოეხმაურა:

"რონალდუ ახლა "ალ ნასირში” თამაშობს, რომელიც ამბიციური გუნდია. ახლო აღმოსავლეთი მომავალში მსოფლიო ფეხბურთში წამყვან პოზიციას დაიკავებს, ზოგიერთი ლიგა უკვე ბევრ საინტერესო პროექტს გვთავაზობს და კიდევ უზარმაზარი პოტენციალი არსებობს.

აქ თამაში არც ისეთი ადვილია, როგორც ხალხს ჰგონია. ასე რომ, კრიშტიანუს გადაწყვეტილება მესმის. ასეთი დიდი ოსტატის მოსვლის შემდეგ, ალბათ, ქვეყანას სპორტის მიმართ განსხვავებული დამოკიდებულება ექნება" - განაცხადა ბოსნიელმა.

ლეგენდარულმა პორტუგალიელმა "ალ ნასირთან” კონტრაქტი 2025 წლამდე გააფორმა.