როგორც იცით, უახლოეს პერიოდში დინამო თბილისი თურქულ შეკრებას გაივლის, სადაც გია ჭიაბრიშვილის ბიჭები რამდენიმე ამხანაგურ შეხვედრას გამართავენ.
აქამდე ცნობილი იყო, რომ დინამოს ორ მეტოქესთან ჰქონდა ჩანიშნული ამხანაგური მატჩი, ესენია: პლოვდირის ლოკომოტივი (18 იანვარი) და ლუდოგორეცი (28 იანვარი).
ახლა კი, დაიწერა, რომ თბილისელები კიდევ უფრო ძლიერ, სერბულ ცრვენა ზვეზდასაც დაუპირისპირდებიან (22 იანვარი), სადაც ქართველი ფეხბურთელი, ირაკლი აზაროვი თამაშობს.
შეგახსენებთ, რომ ირაკლი აზაროვი ცრვენა ზვეზდაში ბათუმის დინამოდან შარშან გადაბარგდა და ამ დრომდე ქართველმა 7 შეხვედრაში მიიღო მონაწილეობა.