თორნიკე შენგელიას 'ვირტუს ბოლონიამ' უმნიშვნელოვანესი და საამაყო გამარჯვება მოიპოვა. იტალიურმა კლუბმა ესპანეთში, კატალონიური გრანდი დაამარცხა. ბოლონიელებმა ბარსელონას დაძაბული მატჩი საბოლოოდ 8 ქულით – 83:75 მოუგეს.
ვირტუსი ბოლო მეოთხედის წინ ერთ ქულას იგებდა, თუმცა მჭიდრო დაცვით ბოლო მეოთხედში ესპანელებს ბურთი რამდენჯერმე დააკარგვინეს და მატჩი სათავისო შედეგით დაასრულეს. შენგელია სასტარტო ხუთეულში იყო და მოედანზე 20:09 წუთი გაატარა, რა დროშიც 5 ქულას, 2 მოხსნას, 6 პასს და 2 ჩაჭრას მოუყარა თავი. შენგელიამ ორქულიანი ერთხელი ისროლა და გამოიყენა, ერთი სამქულიანი გააფუჭა და 4-დან 3 საჯარიმო ჩააგდო.