ლიონელ მესი ახლოს არის 'პარი სენ-ჟერმენთან' კონტრაქტის გახანგრძლივებასთან, ამის შესახებ ინფორმაციას MARCA ავრცელებს.
წყაროს ინფორმაციით, არგენტინელი ერთი სეზონით გააგრძელებს ხელშეკრულებას პარიზულ კლუბთან – 2024 წლის ზაფხულამდე.
35 წლის მესი მსოფლიო ჩემპიონატის მოგების შემდეგ 'პსჟ'-ს დაუბრუნდა და თუ რაიმე გაუთვალისწინებელი არ მოხდა, ახალი კონტრაქტის გაფორმების შესახებ უკვე ამ კვირას გამოაცხადებენ.
როგორც ესპანური გამოცემა ციტირებს არგენტინელი კონტრაქტს აგრძელებს, რადგან მას ისევ სურს ტოპ-დონეზე თამაშის გაგრძელება და ტიტულების მოგება.
ლიგა 1-ის მიმდინარე სეზონზე ლიონელ მესიმ შვიდი გოლი გაიტანა და 10 შედეგიანი გადაცემა შეასრულა.