ტურინის "იუვენტუსისა" და ურუგვაის ნაკრების ყოფილი ნახევარმცველი ფაბიან ო’ნილი გარდაიცვალა.
გავლენიანი გამოცემის, ESPN-ს ინფორმაციით, 49 წლის ვეტერანი მოთამაშე შაბათს მონტევიდეოს საავადმყოფოში კომატოზურ მდგომარეობაში გადაიყვანეს.
მას მუცლის შიდა სისხლდენა ჰქონდა, რის შედეგადაც ის რეანიმაციაში გარდაიცვალა. ო’ნილი დიდი ხნის მანძილზე ებრძოდა ალკოჰოლზე დამოკიდებულებას, რის შედეგაც მას ღვიძლის ცეროზი განუვითარდა.
"იუვენტუსმა" მწუხარება გამოთქვა მომხდარ ფაქტზე და მისი ოჯახის გვერდით დგას.