როგორც იცით, იტალიის ჩემპიონატი 4 იანვარს განახლდება, რომლის ერთ-ერთ პირველ შეხვედრას სალერნიტანა და მილანი ერთმანეთში გამართავენ.
სწორედ მილანის თავკაცს, სტეფანო პიოლის ჰკითხეს იტალიის ჩემპიონატის დაძაბულობისა და ფავორიტების შესახებ, სადაც პიოლიმ ნაპოლი სხვა დანარჩენი გუნდებისგან გამოარჩია:
"ნაპოლი თუ ისე ითამაშებს სეზონის მეორე ნახევარში როგორც ეს პირველში გააკეთა, მაშინ მათ 100 ქულის აღებაც კი შეეძლებათ." - თქვა მილანის მთავარმა მწვრთნელმა.
შეგახსენებთ, რომ იტალიის სერია A-ს ნაპოლი 41 ქულით ლიდერობს და უახლოეს მდევარ მილანს 8 ქულით უსწრებს.