შემოგვიერთდით

VIDEO: 'ბორდომ' მორიგი ამხანაგური მოიგო - დავითაშვილმა გოლს პლუს ასისტი მიიწერა

16-12-2022, 23:14

Aa Aa

გაზიარება:

რამდენიმე წუთის წინ დასრულა ამხანაგური მატჩი 'ბოავიშტასა' და 'ბორდოს' შორის, სადაც ზურიკო დავითაშვილის გუნდმა ანგარიშით 2:0 იმარჯვა.

შეხვედრა ძირითადი შემადგენლობიდან დაიწყო ქართველმა შემტევმა, რომელმაც 30-ე წუთზე გოლის გატანა მოახერხა. მეორე ტაიმში ფრანგული კლუბი ისევ აქტიური იყო და 63-ე წუთზე ზურიკოს ასისტით ჯოშ მაჟამ სხვაობა ორ ბურთამდე გაზარდა და მატჩის საბოლოო ანგარიშიც დააფიქსირა.

ეს დევიდ გუონის ბიჭებისთვის მეორე ამნაგური დაპირისპირება იყო - 10 დეკემბერს გუნდი 'ბრენფორდს' დაუპირისპირდა და 2:1 იმარჯვა. იმ შეხვედრაშიც 21 წლის ფეხბურთელმა თავი ულამაზესი გოლით გამოიჩინა.

შეგახსენებთ, რომ 'ბორდო' ლიგა 2-ში მეორე ადგილზე იმყოფება და პირველადგილოსან 'ლე ავრს' 4 ქულით ჩამორჩება.

თავად დავითაშვილი გუნდში იჯარით იმყოფება და მის ანგარიშზე ოფიციალურ შეხვედრებში 1 გოლი და 1 საგოლე გადაცემაა.