"ხვიჩას ოქროს ბურთის TOP 10 ყოფნა შეუძლია" | იური სიომინი

16-12-2022, 20:30

Aa Aa

გაზიარება:

ცნობილმა რუსმა სპეციალისტმა, კერძოდ იური სიომინმა ხვიჩა კვარაცხელიასა და ოქროს ბურთის შესახებ საკუთარი აზრი დააფიქსირა და აღნიშნა, რომ ქართველი საუკეთესოთა შორის ყოფნას იმსახურებს:

"ხვიჩა კვარაცხელია მაღალ შეფასებებსა და საუკეთესო გამოხმაურებას იმსახურებს, თუმცა ისიც უნდა გავითვალისწინოთ, რომ ჯერ მხოლოდ სეზონის ნახევარი გავიდა. უმნიშვნელოვანესია, რომ კვარაცხელიამ წარმატებით თამაში გააგრძელოს და ჩემპიონთა ლიგის პლეი ოფებში ნაპოლის ულიდეროს. თუ ხვიჩა ამას გააკეთებს, მაშინ ის ოქროს ბურთის ათეულში მოხვედრას აუცილებლად შეძლებს." - თქვა სიომინმა.

შეგახსენებთ, რომ იური სიომინი კვარაცხელიას მაშინ წვრთნიდა, როდესაც ქართველი ფეხბურთელი მოსკოვის ლოკომოტივში თამაშობდა.